Texniki istehsalat şöbəsinin rəhbəri

”RİCON” MMC

Texniki istehsalat şöbəsinin rəhbəri

2003-cü ildən fəaliyyət göstərən, layihələrinin miqyasını daha da genişləndirən, ölkədə qabaqcıl tikinti şirkətlərindən olan RİCON MMC öz analitik bacarıqlarına, təcrübəsinə güvənən, pozitiv korporativ mühitdə işləmək istəyən komanda yoldaşı axtarır.

Vəzifə funksiyaları üzrə gözləntilərimiz:

• Tikinti sahəsində lazım olan materialların həcminin vaxtında müəyyən olunmasına nəzarət etmək;
• İşin istehsal-təqvim planının işlənməsinə və onun yerinə yetirilməsinə nəzarəti təşkil etmək;
• Müxtəlif texniki istehsalat standartların icrasına nəzarət;
• Tikinti norma və qaydalarına əsasən normativ sənədlərin hazırlanması, texniki məzmunda olan məktubların və digər sənədlərin hazırlanması;
• Sifarişçi təşkilatın nümayəndəsi ilə əlaqəli işləməli və lazım gəldikdə texniki məsələləri həll etmək.
• Görülən iş üzrə smetaların tərtib olunmasını təşkil etmək və nəzarət etmək;
• Smeta əsasında yerinə yetirilmiş aylıq tikinti-quraşdırma işlərinin aktlarının və forma №2-lərinin hazırlanmasını təşkil etmək və nəzarət etmək;
• Forma №2 əsasında texniki hesabatların tərtib olunmasını təşkil etmək və nəzarət etmək;
• Tikinti norma və qaydalarına əsasən normativ sənədlərin hazırlanması, texniki məzmunda olan məktubları və digər sənədləri hazırlamaq;
• Enerji ehtiyatlarının və tikinti materiallarının istehlak dərəcəsinə nəzarət;
• Aylıq planları və həftə-gün qrafiklərini razılaşdırmaq, istehsalat sahəsində material hesabatlarına, yerinə yetirilmiş işlərin qəbulu aktlarının tərtib edilməsinə nəzarət etmək, yerinə yetirilmiş işlərin reyestrini tərtib etmək və s;
• Vaxtı vaxtında rəhbərliyə görülən işlərlə bağlı hesabatların təqdim edilməsi.

Kvalifikasiyaya olan tələblər:

• Ali təhsil (İnşaat üzrə);
• Tikinti sahəsində ümumi olaraq 10 ildən yuxarı, rəhbər kimi isə 5 ildən yuxarı iş təcrübəsi;
• İnnovativ standartlara uyğun işləməyi bacarmalı;
• MS Office (Word, Excel), AutoCad proqramlarını yüksək səviyyədə bilməli; 
• 1C sistemində işləməyi bacarmalı;
• Yüksək səviyyədə analitik-riyazi biliklər;
• Sənədləşdirmə və yazışma işlərini yüksək səviyyədə bacarmaq;
• İnşaat norma və qaydalarını bilməlidir;
• Təşkilat və onun missiyasına yüksək sadiqlik;
• Yüksək idarəetmə qabiliyyətləri, məsuliyyətli, təşkilatçılıq, müstəqil işləmək bacarığı, habelə yüksək dürüstlük keyfiyyətləri 

İş şəraitimiz:

• Əmək haqqı müsahibə zamanı müəyyən ediləcək (bilik, təcrübə və bacarıqlardan asılı olaraq müəyyən olunur, rəqabətli əmək haqqıdır);
• İş qrafiki 8.00-17.00;
• Mehriban komanda;
• Perspektivli iş şəraiti;
• Şirkətin digər benefitləri

Maraqlanan namizədlərdən CV-lərini mövzu hissəsində vakansiyanın adını qeyd etməklə [email protected] email ünvanına Azərbaycan dilində göndərməkləri xahiş olunur.

Elanın bitmə tarixi: 17.05.2023